У Гродне БМП раздушыла легкавік з кіроўцам унутры ВІДЭА
На выездзе з Гродна ў бок Сапоцкіна БМП наехала на легкавы аўтамабіль, якраз з боку кіроўцы. На месца здарэння неадкладна выехалі хуткая дапамога, супрацоўнікі МНС і ДАІ, паведамляе autogrodno.by.
— Калона вайсковай тэхнікі рухалася з боку «Прывала» і павяртала ў бок Гродна. На галоўнай дарозе адну з БМП занесла, і яна выехала на сустрэчную паласу, наўпрост на легкавы аўтамабіль. Кіроўцу «Фальксвагена» вельмі пашанцавала. Яго сядзенне склалася, і ён апынуўся ў становішчы лежачы. Але рулём і панэллю яму прыціснула ногі. Мужчыну змаглі хутка вызваліць. Ён пойдзе на папраўку, — паведаміў «АўтаГродна» відавочца Сяргей.
Таксама з'явілася відэа з камеры назірання. На відэа зафіксаваны момант наезду БМП на легкавы аўтамабіль. Гусенічную тэхніку сапраўды занесла на асфальце:
