Знайсці
22.06.2018 / 15:3522РусŁacБел

Пятра Парашэнку ў Луганску «прысудзілі» да пажыццёвага зняволення

Расійскія СМІ паведамляюць пра тое, што ў акупаваным Луганску г.зв. «Украінскі народны трыбунал» (УНТ) завочна асудзіў прэзідэнта Пятра Парашэнку і яшчэ семярых прадстаўнікоў уладаў Украіны да пажыццёвага зняволення.

Матывацыя — ваенныя злачынствы, паведамляе ТАСС.

Трыбунал засядаў на Тэатральнай плошчы ў Луганску.

Акрамя Парашэнкі па справе праходзілі прэм'ер-міністр Уладзімір Гройсман, былы кіраўнік урада Арсень Яцанюк, кіраўнік МУС Арсен Авакаў, сакратар Рады нацыянальнай бяспекі і абароны Аляксандр Турчынаў, начальнік Генштаба Віктар Мужэнка, кіраўнік Мінабароны Сцяпан Палтарак, спікер Вярхоўнай Рады Андрэй Парубій.

Адзначаецца, што таксама «Луганскі суд» пастанавіў канфіскаваць у прадстаўнікоў украінскай улады ўсю маёмасць.

Суддзя Алена Шышкіна падчас пасяджэння дадала, што тэрмін пакарання павінен адлічвацца з моманту затрымання «асуджаных».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера