Даслаць навіну
Знайсці
22.06.2018 / 19:24 14

Ліст чытачкі: Гонар і пашана ўсім, хто бароніць Курапаты

«Курапаты — знакавае месца, таму за яго ідзе барацьба: ці мы ўтрымаем сваю амаль што растрачаную годнасць, ці згінем у нікуды. Забудземся на сваіх продкаў, на іх лёсы, на мовы Беларусі: беларускую, ідыш, татарскую, польскую, — забудзем, кім былі нашыя дзяды, што яны любілі, дзеля чаго жылі і змагаліся, — піша ў лісце ў «Нашу Ніву» чытачка Жанна Чарняўская. — Павага і захаванне Курапатаў дасць нам падставы ўшанаваць усе месцы, вымушана і несправядліва забытыя і зняважаныя. Мы, беларуская нацыя, якая ўбірае ў сябе шмат нацыянальнасцяў, мусіць прызнаць сваю гісторыю, свае памылкі, свае болі.

Увесь Менск пабудаваны на касцях — гэта праўда. Мы бяздумна ходзім па месцах масавых пахаванняў, месцах расстрэлаў, пакрыўджаных нацыянальных святыняў, губляючы сваю нацыянальную памяць і годнасць. Калі не лічыць помніка «Яма»,то амаль няма знакаў ушанавання памятных месцаў. Ды і за «Яму» ішло змаганне. Каб не грамадская барацьба, нічога б не было. Парк Чалюскінцаў пабудаваны на месцах масавых пахаванняў. Былы кінатэатр «Спартак», каля Варвашэні і Крапоткіна, быў пабудаваны на былых могілках, зруйнаваных за савецкім часам. Таксама і стадыён «Дынама» стаіць на былых могілках. Былі нацысцкія і савецкія расстрэлы на Камароўцы, у Лошыцы і Трасцянцы. Нацыянальныя могілкі: габрэйскія, татарскія, — парушаны і знішчаны ў савецкі час. Але гэта не дае нам падставы забыцца на яшчэ адно трагічнае месца, зіншчыць яго. Адстаім Курапаты — адстаім сябе і свае святыні.

Канешне, мы жывыя і хочам радавацца жыццю, і ніхто не замінае нам рабіць гэта трохі далей ад страшнага, трагічнага, балючага і зараз святога месца, дзе забівалі людзей. Рэдка можна сустрэць чалавека, які хоча гуляць, спяваць, танчыць і жэрці на могілках. Канечне, могуць мне адказаць, што на Радаўніцу беларусы ядуць на могілках. Але гэта вельмі абмежаваны контраргумент. На Радаўніцу беларусы дзеляцца сваім жыццём з продкамі, прыходзяць сем’ямі не гуляць, а далучыцца да роду, адчуць мінулае і ўшанаваць родзічаў. Ніхто не гуляе на могілках. Чаму не пабудаваць рэстарацыю ў другім месцы?

Месца прыпынку для падарожнікаў і турыстаў можа існаваць недалёка ад Курапатаў, але яно мусіць быць сціплым, дзе можна спыніцца, пасядзець, ціха пагаманіць, выпіць гарбаты ці кавы, трохі пад’есці. Назва «Паедзем, паядзім» мае канцэпцыю кабака і не мае маральнага права існаваць у такой блізкасці да магілаў.

Бізнэс і грошы — вельмі важныя рэчы ў жыцці чалавека. Грошы — гэта як канцэнтраваная энергія: куды накіруеш, туды і пойдуць. Грашыма, як і энергіяй, можна ствараць ці руйнаваць. Таму кожны, хто мяркуе, што бізнэс і грошы маюць права знішчыць нашую годнасць, не мае рацыі. Укладзіце, калі ласка, грошы ў што-небудзь прыбытковае і годнае адначасова, але не ў пачварны праект «Паедзем, паядзім».

Рэстарацыя павінна закрыцца!»

Жанна Чарняўская

0
metsavend / адказаць
25.06.2018 / 20:28
ресторанобесие на марше, Что же касается, полагаю, вашей некогда (а может, и сейчас) любимой газеты и писем, замечу, что вы по недомыслию или намеренно путаете грешное с праведным. Поясню. Во времена оные письма в главную партийную  газету страны  организовывались властью, и смысл их сводился к одному - поддержке власти в вопросе ужесточения  репрессий к тем, кто осмелился не то что пойти против власти, а просто засомневаться в правоте последней в отношении тех, кто посмел выразить это самое сомнение. Проще говоря: аналог - распни его! В этом случае где вы видите письмо провластного респондента, если не кто иной, как сама власть в лице чиновников дала согласие на строительство этой харчевни, а автор письма высказывается против этого? Или вам так удобно - всё передёргивать? 
0
суета сует / адказаць
26.06.2018 / 10:40
metsavend, савонарола с сумкой "писем с мест", тебе больше нечем заняться, как повторять прописные истины под видом вселенских открытий? Займись собой - верь, больше пользы будет, чем от непосильного труда на чужом огороде.
1
Гость / адказаць
26.06.2018 / 14:33
Когда планируется защита "Динамо" на кладбище и сопутствующие честь и слава ?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30