Сёння адбудзецца ўрачыстае адкрыццё стадыёна «Дынама»
Сёння ў Мінску адбудзецца ўрачыстае адкрыццё абноўленага стадыёна «Дынама». Перад гледачамі выступяць вядомыя беларускія выканаўцы, сярод якіх Анатоль Ярмоленка, Тэа, Ганна Благава, Вікторыя Алешка, а таксама ўзорна-паказальны аркестр Міністэрства абароны, Дзяржаўны ансамбль танца Беларусі, паведамляе БелТА.
Пройдзе лёгкаатлетычная эстафета, сімвалічны старт забегу дадуць прэзідэнт Міжнароднай асацыяцыі лёгкаатлетычных федэрацый Себасцьян Коэ і алімпійская чэмпіёнка ў бегу на 100 м Юлія Несцярэнка.
Затым пройдзе футбольны матч зборнай каманд мінскага і брэсцкага «Дынама» са зборнай клубаў чэмпіянату Беларусі.
У ім возьмуць удзел Аляксандр Глеб, Максім Бардачоў, Дзяніс Шчарбіцкі, Міхаіл Гардзяйчук. Каментатарам матча выступіць вядомы беларускі журналіст Уладзімір Навіцкі.
Завершыць ўрачыстыя мерапрыемствы, што пачнуцца а 19-й, адкрыцця феерверк.
Не выключана, што ў адкрыцці возьме ўдзел Аляксандр Лукашэнка.
