У парадзе 3 ліпеня ўпершыню паўдзельнічаюць вайскоўцы Кітая
«Падрыхтоўка да параду войскаў Мінскага гарнізона да Дня Незалежнасці Беларусі падыходзіць да завяршальнага этапу», — адзначаецца ў паведамленні Міністэрства абароны.
У складзе 19 пешых парадных разлікаў і 23 парадных разлікаў ваеннай тэхнікі возьме ўдзел каля 4000 вайскоўцаў і больш за 250 адзінак баявой тэхнікі.
Традыцыйна ў парадзе возьмуць удзел вайскоўцы Узброеных Сіл Расіі.
Упершыню ў парадным страі пройдуць жанчыны-вайскоўцы злучэнняў і воінскіх часцей беларускай арміі і зводны разлік кадэцкіх вучэльняў, спецыялізаваных ліцэяў і кадэцкіх карпусоў.
Таксама ўпершыню ў ваенным парадзе войскаў Мінскага гарнізона плануецца ўдзел параднага разліку ваеннаслужачых Народна-вызваленчай арміі Кітая.
Генеральныя рэпетыцыі пройдуць 23 і 28 чэрвеня з 23.00 на скрыжаванні праспекта Пераможцаў і праспекта Машэрава ў горадзе Мінску.
