Хто збочыць першым? У Расіі пяцёра мажораў згулялі ў смяротную гульню — прайгралі ўсе
Чацвёра маладзёнаў загінулі і адзін пацярпеў у выніку сутыкнення двух квадрацыклаў у Свярдлоўскай вобласці, Расія. Ахвярамі жудаснай аварыі сталі два хлопцы і дзве дзяўчыны, якім каля 20 гадоў. Яшчэ адна дзяўчына пацярпела і была экстрана дастаўлена ў шпіталь.
Дзяўчына і хлопцы былі «залатой моладзю» з багатых сем'яў, і замест выпускнога ва ўніверсітэце яны адважыліся на экстрэмальныя забавы. Яны выбралі экстрэмальную гульню на квадрацыклах, сутнасць якой была ў тым, хто першы збочыць. У выніку на высокай хуткасці здарылася лабавое сутыкненне, чацвёра чалавек загінулі.
На спідометрах, якія адваліліся пасля аварыі, у аднаго хуткасць была зафіксавана 70 кіламетраў у гадзіну, у іншага — 110. Выжыла толькі адна дзяўчына, якая не была прышпілена і пры сутыкненні вылецела ў кусты.
Паводле папярэдняй інфармацыі, квадрацыклы належалі віцэ-прэзідэнту холдынгу «Руская медная кампанія». Сярод загінулых у ДТЗ — яго дачка.
