Праціўнік «Паедзем, паядзім» паведаміў, што рэстаран замініраваны — завялі крымінальную справу
Стала вядома, што на аднаго з удзельнікаў абароны Курапат Мікіту Найдзёна завялі крымінальную справу — артыкул 340.1 КК Беларусі «Свядома лжывае паведамленне пра небяспеку». Пра гэта ў сваім фэйсбуку паведамляе актывіст Алег Корбан.
Хлопец знік з радараў у панядзелак 11 чэрвеня.
Высветлілася, што Найдзён вырашыў патэлефанаваць у рэстаран «Паедзем, паядзім» і паведаміў яго супрацоўнікам, што ўстанова замінаваная. Прыехалі сапёры, МНС і хуткая дапамога. Адразу высветлілася, што паведамленне лжывае.
Актывіста затрымалі, агледзелі кватэру, павезлі ў РУУС, дзе адбыўся допыт. Пасля яго ўтрымлівалі 3 сутак. Вызвалілі хлопца да судовага паседжання пад хатні арышт.
Мікіта Найдзён — 27-гадовы актывіст, працуе штампоўшчыкам на Мінскім трактарным заводзе, жыве з маці.
