Беларускі зборнік таксама выйграў матч адкрыцця ЧС па футболе ФОТА
Gettyimages.ru/Catherine Ivill
У зборнай Расіі ёсць чалавек, які гуляў за зборную Беларусі. Гэта трэнер Міраслаў Рамашчанка, памочнік Станіслава Чарчэсава. Міраслаў згуляў за нацыянальную каманду нашай краіны 15 матчаў з 1994 па 1998 гады і забіў адзін гол. А наогул абодва браты (Міраслаў і Максім) нарадзіліся ва ўкраінскім Паўлаградзе, але пераехалі ў Беларусь на пачатку кар'еры.
Праўда, Міраслаў Рамашчанка даволі хутка яе скончыў і пачаў трэнерскую. Сезон 2007/08 як галоўны трэнер дубля «Спартака» ён супрацоўнічаў з прызначаным галоўным у асноўную каманду Станіславам Чарчэсавым. А ў 2011 той паклікаў Рамашчанку ў свой трэнерскі штаб у сочынскую «Жамчужыну». З тых часоў яны працуюць у звязцы, транзітам праз чатыры клубы ў 2016 атрымалі кантракты са зборнай Расіі.
На фота з матча Рамашчанка, які знаходзіцца побач з Чарчэсавым, дае ўказанні Аляксандру Галавіну, які ў выніку заб'е гол і аддасць два галявыя пасы.
Каб сачыць за чэмпіянатам было яшчэ цікавей, раім вам зрабіць стаўку ў Букмекерскай канторы Марафон!
