Даслаць навіну
Знайсці
13.06.2018 / 14:04 5

Мінскі планетарый збірае грошы на новае абсталяванне праз краўдфандынг. Што прапануе наўзамен?

Мінскі планетарый ужо два тыдні збірае грошы на чатыры новыя праектары для паказу ўнікальных сферычных фільмаў, якія зараз дэманструюцца на вельмі састарэлым абсталяванні.

Павялічыць выяву

На момант напісання артыкула 75 чалавек праз talaka.by ужо ахвяравалі больш за 2000 рублёў з 12 300 неабходных, што складае ўсяго 16% ад мэты. Да заканчэння кампаніі засталося 48 дзён.

«Тэхналогія «поўнага купала» падобная на IMAX. Але, у адрозненне ад IMAX, экран нашмат большы, ён размяшчаецца зверху і за вамі ў 360 дзівосных градусаў», — распавядаецца ў апісанні кампаніі.

Ахвяраваць можна розныя сумы — ад 3 да 5000 рублёў, а наўзамен арганізатары абяцаюць падарункавыя сертыфікаты на наведванне паказаў, клубныя карткі на цэлы год і брэндаванне планетарыя за самыя буйныя ахвяраванні. Дазволяць нават есці поп-корн падчас сеансаў (звычайна гэта забаронена).

Мінскі планетарый адчыніў свае дзверы ў далёкім 1965 годзе. Зорная зала, якая змяшчае 120 гледачоў, мае купалападобны экран і спецыяльнае абсталяванне для праецыравання зорнага неба і сферычных фільмаў. А ў шасціметровай вежы абсерваторыі ўсталяваны тэлескоп Carl Zeiss з павелічэннем у 300 разоў.

Павялічыць выяву

Пры ўмовах яснага надвор’я кожны ахвотны можа абсалютна бясплатна паназіраць тут за плямамі на Сонцы, пабачыць Месяц з ягонымі кратарамі і гарамі, а таксама Венеру, Марс, Юпітэр, Сатурн, двайныя і кратныя сістэмы зорак, характэрныя туманнасці і блізкія галактыкі. Шчырыя супрацоўнікі з задавальненнем распавядаюць пра асаблівасці ўсіх касмічных аб’ектаў і адказваюць на любыя пытанні.

Рэгулярна тут праводзяцца навукова-папулярныя лекцыі пра космас. Напрыклад, нядаўна распавядалі пра астранамічныя з’явы ў летапісах і хроніках Вялікага Княства Літоўскага.

За анонсамі бясплатных падзеяў можна сачыць на сайце абсерваторыі і ў суполках планетарыя ў сацсетках.

Ілля Параскевіч

1
Кірыла Лапухоўскі / адказаць
13.06.2018 / 14:30
Ой, планетарий этот - просто космос :) Там по вечерам в обсерватории такой классный мужик работает! Столько всего интересного рассказывает. Понятно ведь, что много там сотрудникам не платят, но они с такой отдачей работают! И вообще круто, что хоть что-то бесплатное еще в Минске осталось с советских времен
0
Максим Дизайнер / адказаць
13.06.2018 / 16:24
Я не знаю. А старое оборудование куда?Если они про все эти шарики в центре зала, то даже как-то жалко. Это же реликвия.А на четкость картики мне лично плевать. Главное атмсофера.
0
Карл Маркз / адказаць
14.06.2018 / 07:58
Замест финансавання хакейных абибокау, накираваць грошы на сацыяльныя патрэбы. У тым лику на планетарий!!!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31