Кіраўнік МЗС Эстоніі адклаў свой візіт у Беларусь
Estonian Presidency / Flickr
Міністр замежных спраў Эстоніі Свен Міксер адклаў візіт у Беларусь, які быў намечаны на чацвер 14 чэрвеня. Пра гэта паведамляе агенцтва BNS са спасылкай на прэс-службу МЗС Эстоніі.
«Візіт міністра замежных спраў Эстоніі ў Беларусь адкладзены ў сувязі са зменамі ў планах», — гаворыцца ў паведамленні. Новая дата візіту пакуль не агучана.
Візіт Свена Міксера павінен быў адбыцца 14 чэрвеня. Кіраўнік МЗС Эстоніі павінен быў сустрэцца з Аляксандрам Лукашэнкам і міністрам замежных спраў Беларусі Уладзімірам Макеем. Меркавалася, што падчас візіту трэба будзе разгледзець пытанні падрыхтоўкі візіту ў Мінск прэм'ер-міністра Эстоніі, які павінен адбыцца сёлета. Больш дакладныя тэрміны прыезду павінны былі вызначыцца як раз на перамовах Свена Міксера ў беларускай сталіцы.
