Даслаць навіну
Знайсці
12.06.2018 / 21:38 67

Святлана Алексіевіч: Гэтыя Шуневічы пачуваюцца абсалютна беспакаранымі

«Поўнае падзеньне грамадзтва» — так называе нобэлеўская ляўрэатка па літаратуры (2015) Сьвятлана Алексіевіч зьяўленьне рэстарацыі на месцы масавых расстрэлаў, паведамляе «Свабода».

Павялічыць выяву

«Мяне не пакідае вобраз міністра Шуневіча ў форме НКВД. Я зразумела глыбіню падзеньня нашай улады.

Павялічыць выяву

Я думаю, Шуневіч не чытаў ані Салжаніцына, ані Шаламава, і паняцьця пра гэта ня мае. Па-другое, я зразумела, што паколькі толькі маладыя абараняюць наш гонар, у тым ліку і ў Курапатах, гэтыя Шуневічы пачуваюцца абсалютна беспакарана», — кажа Сьвятлана Алексіевіч на просьбу пракамэнтаваць сытуацыю з пратэстамі вакол адкрыцьця рэстарана «Поедем поедим».

«Калі ўжо гэты рэстаран, то гэта абсалютнае падзеньне грамадзтва, — кажа нобэлеўская ляўрэатка. — Думаю, дазволіла ім гэта высокая ўлада. Як мы ведаем, у гэтай краіне дах ніхто не парамантуе без высокага дазволу. Так што там цёмныя зусім справы. І гэтая адміністратарка [Сьвятлана Дубкова, адміністратарка рэстарана, якая ў камэнтарах назвала пратэстоўцаў «збродам», пры гэтым сама не змагла напісаць слова «цывілізаваны» без памылкі], непісьменная жанчына, якая сказала, што «гэта людзі, якія супраць улады»».

Сьвятлана Алексіевіч лічыць, што ўсё грамадзтва нясе адказнасьць за гэта.

«Можна казаць і пра нашу ўласную адказнасьць, кожнага з нас. Мы гэта дазволілі. Чаму грамадзтва маўчыць? У любой эўрапейскай краіне былі б сотні тысяч на вуліцах», — кажа Сьвятлана Алексіевіч.

«Яны хочуць паставіць камень у Курапатах, — рэагуе Сьвятлана Алексіевіч на ініцыятыву ўлады ўсталяваць у Курапатах афіцыйны мэмарыял. — І ім здаецца, што такім чынам яны атрымаюць індульгенцыю на тое, каб усё гэта паўтарылася ізноў».

Радыё Свабода

0
Пятрок / адказаць
15.06.2018 / 22:14
Ляксандра, Мая інфармаванасць п а ч ы н а л а с я ў пасляваенны час пры правядзенні НКУС зачысткі акупаваных тэрыторый ад ворагаў народа, а заканчваецца з прыходам "навукоўцаў"-- "что изволите"?
0
Палясоўшчык / адказаць
18.06.2018 / 05:16
ЭНКАВЭДзісты,як і фашысты -
Знішчалі бязлітасна мірных людзей;
Злачынныя хары,як д'яблы, нечысты:
Не разумеюць набожных людзей .
0
Для каментатара [((( 22.05 } / адказаць
19.06.2018 / 09:36
каментатару, пад нiкам '' ((( ''' , - А нiколi .., пакуль вы, нобелi-шнобелi- cорысы, не навучыцеся паважаць людзей, проста за тое, што яны людзi : кухаркi, сакратаркi, калгаснiкi , рабочыя- наогул усе тыя, хто вам так мулiць i каго вы называеце" быдлам", а яны, народ краiны Беларусь. Але пры гэтым, маеце нахабнасць , выкарастаць гэтае"быдла'' у сваiх '' высакародных'' мэтах . { нават нягледзячы, на памылкi правапiсу }
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31