Знакавы футбаліст «Крумкачоў» пакінуў клуб дзеля мадэльнага кантракту дачкі ў Кітаі

Галкіпер НФК «Крумкачы» Яўген Касцюкевіч у суботу правёў апошні матч за клуб, паведамляе сайт каманды.

У нядзелю ён адляцеў з сям'ёй у Кітай, дачка падпісала кантракт у мадэльным бізнэсе, і ён з жонкай Машай будзе яе суправаджаць.

«Пакуль нічога не ведаю па тэрмінах, калі вярнуся, але ўсё роўна бяру з сабой пальчаткі і буцы. Вялікі дзякуй нашым заўзятарам, якія зрабілі мне такія цёплыя праводзіны ў Брэсце. Вы лепшыя! Буду сумаваць па вас», - сказаў Касцюкевіч.

Нагадаем, што ў гэтым сезоне «Крумкачы» выступаюць у другой лізе і пакуль займаюць першае месца.

0

0

0

0

0

0