Генпракурор прапанаваў увесці адказнасць за лжывую інфармацыю ў інтэрнэце

У Беларусі абмяркоўваюць увядзенне адказнасці за ілжывую інфармацыю ў інтэрнэце (у тым ліку і ў выпадку, калі яе крыніцай з'яўляецца ананім). Пра гэта заявіў сёння генеральны пракурор Аляксандр Канюк.

Паводле яго слоў, разглядаецца як адміністрацыйная, так і крымінальная адказнасць. За такое правапарушэнне магчымы і буйны штраф, піша БЕЛТА. Якія ведамствы, структуры абмяркоўваюць згаданую тэму, генпракурор не ўдакладніў.

Канюк адзначыў, што сродкі масавай інфармацыі павінны прадастаўляць правераны кантэнт. А непраўдзівая інфармацыя «бударажыць грамадскую думку» ды мае «негатыўныя наступствы».

0

0

0

0

0

0