Трамп: Саміт з Кімам усё яшчэ можа адбыцца 12 чэрвеня
Прэзідэнт ЗША Дональд Трамп заявіў, што яго сустрэча з Кім Чэн Ынам усё яшчэ можа адбыцца 12 чэрвеня, як і было запланавана, нягледзячы на тое што ўчора Белы дом абвясціў аб адмене саміту.
«Паглядзім, як пойдзе. Гэта можа нават быць 12-га [чэрвеня]. Мы зараз з імі гаворым. Яны вельмі хочуць гэта зрабіць, і нам бы хацелася гэта зрабіць», — заявіў Трамп журналістам у пятніцу.
За дзень да гэтага амерыканскі прэзідэнт абвінаваціў КНДР у «адкрытай варожасці» за адмену запланаванага саміту.
Чытайце таксама:
«Калі зменіце свае падыходы, не саромейцеся — тэлефануйце, пішыце». Трамп адмовіўся ад сустрэчы з Кім Чэн Ынам
Пасля гэтага Пхеньян заявіў, што гатовы правесці перамовы з Вашынгтонам «у любы час і ў любым фармаце».
Намеснік міністра замежных спраў КНДР Кім Ке Гван падкрэсліў, што Пхеньян глыбока шкадуе пра рашэнне Вашынгтона адмовіцца ад перамоў.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера