Даслаць навіну
Знайсці
25.05.2018 / 15:13 82

Партыя Гайдукевіча хоча сабраць у Мінску прадстаўнікоў прарасійскіх нацыяналістычных партый з усёй Еўропы

У акаўнтах Ліберальна-дэмакратычнай партыі ў сацыяльных сетках з’явілася інфармацыя, што арганізацыя рыхтуе ў Мінску Кангрэс патрыятычных партый Еўропы.

Павялічыць выяву

Алег Гайдукевіч.

Будуць прадстаўнікі Нацыянальнага фронта Францыі, Партыі свабоды Аўстрыі, «Альтэрнатывы для Германіі», «Адзінай Расіі» і яшчэ больш за 15 партый Еўропы, паведамляецца ў суполцы ЛДП Укантакце.

Нацыянальны фронт Францыі — гэта нацыяналістычная партыя, якую ўзначальвае Марын Лё Пэн. Партыя мае 8 месцаў у парламенце з 577. Гэта папулісцкая партыя, якая набірае галасы дзякуючы выступам супраць мігрантаў. Марын Лё Пэн падчас крымскіх падзей 2014 года назвала Пуціна «абаронцам хрысціянскай спадчыны еўрапейскай цывілізацыі». Гэтая арганізацыя шмат крытыкуе Еўрасаюз.

Аўстрыйскую партыю свабоды таксама залічваюць у папулісты і ўльтраправыя. І гэтая партыя таксама дасягае поспеху найперш праз агітацыю супраць мігрантаў. У часы кіраўніцтва партыяй радыкальнага лідара Ёрга Хайдэра АПС набірала да 27% галасоў на парламенцкіх выбарах. Хайдэра ў Аўстрыі называлі «адвакатам нацызму».

Пры гэтым Аўстрыйская партыя свабоды мае стабільна высокія вынікі падчас выбараў. Партыя еўраскептычная. А напрыканцы 2016 года заключыла пагадненне аб супрацоўніцтве з «Адзінай Расіяй» Пуціна.

«Альтэрнатыва для Германіі» — еўраскептычная партыя, якая стала трэцяй на апошніх выбарах у нямецкі парламент. Асаблівую папулярнасць арганізацыя мае ў былой ГДР. «Альтэрнатыва» настойвае на выхадзе Германіі з зоны еўра. Хаця нават яны не выступаюць за роспуск Еўрасаюза, лічачы яго карысным для краіны. Канцлер Германіі Ангела Меркель выказвала шкадаванне, што «Альтэрнатыва» можа перацягнуць вялікую колькасць выбарцаў з кансерватыўнымі ці нявызначанымі поглядамі.

Мы спыталі ў намесніка старшыні ЛДПБ Алега Гайдукевіча, чаму яны збіраюць у Мінску еўрапейскіх нацыяналістаў.

«Я адмаўляюся размаўляць з правымі партыямі крайняга толку, толькі правацэнтрысцкімі. Правацэнтрысцкія партыі вельмі добра ставяцца да Беларусі, заўсёды выступалі супраць санкцый і за эканамічнае супрацоўніцтва.

Ну а падабенства з ЛДПБ у тым, што мы прыхільнікі жорсткага адстойвання сваіх нацыянальных інтарэсаў усюды: і на Захадзе, і ў ЕАЭС. З радыкальнымі правымі партыямі мы супрацоўнічаць ніколі не будзем. І мы не закрываемся ад прадстаўнікоў сацыял-дэмакратыі і кіруючых партыі Еўропы.

Мне падабаецца, што гэтыя партыі ставяць перадусім інтарэсы краіны — гэта здаровы нацыяналізм, што раўняецца патрыятызму. Мы не падтрымліваем заклікі да развалу Еўрасаюза, гэта нявыгадна Беларусі. Нам выгадная моцная Еўропа. Не распад, а рэфармаванне», — сказаў Гайдукевіч.

Пакуль невядома, калі пройдзе гэты кангрэс. Мяркуецца, што ў другой палове гэтага года.

Зміцер Панкавец

0
шлёма / адказаць
28.05.2018 / 17:50
Сейчас надо подключаться к обсуждению пропаганде и показывать, что гайдукевичи никчемные болтуны.
0
шлёма / адказаць
28.05.2018 / 19:58
Главное, у Гайдуеевичей не брать никаких интервью. Говорить и писать, что Гайдукевич заявлял собрать сходку, но кроме пустой болтовни ничего нет и т.д. Показать, что хочет, а не может - а это с родни импотенту, в данном случае, политическому.
0
Василиса / адказаць
16.12.2018 / 08:14
Не думаю , что они соберут кого-либо.Разве что таких ,как сами.Да и не беларусы они.Похожи на хазар ,лысых и не далеко живущих.А почему Олег из МВД ушел ? Тарлецкий больше не тянул за уши и вверх не толкал?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30