Даслаць навіну
Знайсці
25.05.2018 / 13:41 19

«За што ж нам такое пакаранне, гэты школьны белліт…»

Піша настаўніца са Смалявіч Ганна Севярынец.

Хадзіла ўчора на замену беларускай літаратуры ў малодшы клас. Чарговы раз падзівілася з праграмы і яе складальнікаў. І вось здаецца ж, нешта чалавечае ў іх ёсць, стараюцца ад усяго сэрца — падбіраюць тэксты, і тэксты з літаратурнага пункту гледжання неблагія, і, здавалася б, дзіцячыя, і нібыта ў модных жанрах фантастыкі… Але ж мама мая дарагая! Які гэта ўсё нафталін! Нават мне дае ў нос пахам старых, заляжалых маскарадных касцюмаў. Не хачу канкрэтызаваць нават, бо аўтары — прыўкрасныя людзі, але божа ж ты мой, да якой ступені далёка яны ад сучасных падлеткаў…

І тут не ва ўзросце справа — а ў ментальнасці. Гэты павучальны тон, гэтая псеўдадзіцячая лексіка, гэтая тэхнічная бездапаможнасць (прагрэс жа далёка крочыў апошнім часам, госпадзе, дзе ў вашых герояў нармальныя гаджэты, яны ж яшчэ тэлефануюць з апаратаў з кружком!), гэтыя надуманыя праблемы, абсалютна няісныя для сучасных дзяцей, гэтая крыўдная адмова ад смелага сюжэта і адвязных метафар, госпадзе… Ніякага драйву, ніякага палёту.

А побач — байкі Коласа і Звонака дваццатых гадоў. Колас — пра сабаку Рудзьку, які дачакаўся, покуль каня звяжуць, і тады толькі стаў на яго гаўкаць. І Звонака — пра гарбуз, які надзьмуваўся-надзьмуваўся на градзе і нарэшце лопнуў. Таксама проста, таксама павучальна, таксама без гаджэтаў, але колькі драйву, колькі подыху часу, колькі сапраўднай творчай злосці!

І ладна я. Можа, у мяне да Коласа і Звонака і іхнага часу свой піетэт. Але ж дзеці! Над нафталінавымі тэкстамі іх немагчыма ўтрымаць, хаця б ты скакаў перад імі лезгінку. Яны пачынаюць круціцца за партамі, пазяхаць, класці галаву на рукі, таўчы суседа нагой, выбіваць з-пад вучня на пярэдняй парце крэсла, і нават голас не ўзнімаецца на іх заклікаць да дысцыпліны, бо і сам ледзь стрымліваешся, каб не пазяхнуць.

Божа мой, за што ж нам такое пакаранне, гэты школьны белліт…

Ганна Севярынец, facebook.com

1
вовенций / адказаць
26.05.2018 / 12:20
Свинка Пепа ,Да есть там и такие слова, и этакие. И даже выксталцоны есть. И пекны. Насчёт нафталина. Все знают байку Крапивы про дедку и кирмаш. Баба там тоже была. И вот когда я через много после моих школьных лет прочитал мораль этой басни, то был просто поражён. Мораль этой ценной басни в необходимости сокращения штатов в советских учреждениях. Вот это актуальность для школьника 9-го класса! Точно такая же , как и в пьесе" Кто смеется последним". Именно  так. Такое новое прочтение предложил наш мозырский театр, переведя эту актуальнейшую пьесу на русский язык. Более того, чья-то умная голова привезла на этот спектакль целыми автобусами Олимпиаду по БЕЛОРУССКОМУ языку. И ни у кого это даже сомнений не вызвало.
0
Лі / адказаць
26.05.2018 / 13:28
Русліт у школе - гэта яшчэ больш нафталіну! Там нафталін ў кубе!
0
Паўліна / адказаць
30.05.2018 / 21:16
Белліт,як белліт.А вось педагогікі не хапае: ні ў школе,ні дома. Калі казаць дзіцёнку,што мова нідзе не патрэбна, то і стаўленне ў яго будзе адпаведнае. Як быццам алгебра, хімія , фізіка паўсюль і кожны дзень патрэбныя. Я вось як скончыла школу даўным-даўнодык і ні разу з імі не сутыкнулася. Ну і навошта мяне вучылі гэтым прадметам? А таму чаму і белмове вучаць і англійскай мове. Успомніла зараз, як вучань маёй сяброўкі настаўніцы з-пад Менску казаў ёй: "Ну і начорта мне ваш англійскій,Зінаіда Аляксандраўна!?" Хлопчык з сям'і механізатараў працаваў у вёсцы на трактары і нікуды ў замежжа не ездзіў. І праўда : начорта яму англійскій? Супраць белмовы,дарэчы, нічога будучы трактарыст не меў 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31