Кіраўніком Кобрына стаў заўзяты прыхільнік Пуціна
Аляксандр Лукашэнка 22 мая ўзгадніў прызначэнне Міхаіла Грышкевіча старшынёй Кобрынскага райвыканкама. На гэтай пасадзе ён зменіць Аляксандра Зазулю, які кіраваў раёнам ад 2013 года.
Міхаіл Грышкевіч. Фота з ok.ru.
Міхаілу Грышкевічу 42 гады. Да гэтага ён узначальваў калгас «Жураўлінае» на Пружаншчыне, адну з найлепшых гаспадарак Брэстчыны. Спецыялізуецца прадпрыемства на вырошчванні зерневых культур, рапса, свініне, ялавічыне, малаку.
Цяпер Грышкевіч пайшоў на павышэнне, ён узначаліў суседні з Пружанамі Кобрынскі раён. Мы паглядзелі, што посціць і што лайкае новы старшыня ў сацыяльных сетках. Грышкевіч вельмі актыўны ў «Аднакласніках», дзе мае два акаўнты.
Міхаіл Грышкевіч у фуражцы. Фота ok.ru.
Там багата нефармальных фотаў вертыкальшчыка. Сістэма «Аднакласнікаў» такая, што ўвесь залайканы табой кантэнт адразу адлюстроўваецца на тваёй старонцы. У выніку абедзве старонкі Грышкевіча стракацяць перапостамі ў падтрымку Уладзіміра Пуціна, а таксама абразлівымі для ўкраінцаў запісамі. Тут мы прывядзем некалькі прыкладаў.