Двое гамельчукоў загінулі на трасе праз лася
Страшная аварыя адбылася 13 мая каля 21.30 на 147 м кіламетры трасы Мінск — Гомель, на тэрыторыі Кіраўскага раёна. Пад колы легкавіка, за рулём якога знаходзіўся 43-гадовы жыхар Гомеля, выскачыў лось.
Па словах начальніка аддзялення па агітацыі і прапагандзе ДАІ УУС Магілёўскага аблвыканкама Яўгена Жылінскага, у машыне, акрамя кіроўцы, быў яго сын — 20-гадовы студэнт Гомельскага ўніверсітэта імя Скарыны — і сябар сына, таксама гамяльчанін, дзесяцікласнік адной з гомельскіх школ, паведамляе sb.by.
Пасля ДТЗ сына кіроўцы «хуткая» забрала з месца аварыі ў траўматалогію Бабруйскай цэнтральнай бальніцы. Яго бацьку і сябру, на жаль, медыкі дапамагчы ўжо нічым не маглі — ад атрыманых траўмаў тыя памерлі на месцы. Вінаваты ў ДТЗ — лось — не выжыў таксама.
