Кадыраў папракнуў Францыю за выхаванне чачэнца, які ўчыніў разню ў Парыжы
Улады Францыі адказныя за фарміраванне поглядаў 20-гадовага чачэнца Хасана Азімава, які напаў з нажом на мінакоў у цэнтры Парыжа, піша кіраўнік Чачні Рамзан Кадыраў у сваім Telegram-канале ў нядзелю, 13 мая.
Кадыраў пацвердзіў чачэнскае паходжанне злачынца. Кадыраў кажа пра яго як пра Хасана Азімава, тады як французскія крыніцы называюць іншае імя — Хамзат Азімаў (Khamzat Azimov):
Naturalisé français en 2010, fiché S depuis 2016... ce que l'on sait sur Khamzat Azimov, l'auteur de l'attentat perpétré dans le centre de Paris samedi soir https://t.co/jI3fJKKFp0pic.twitter.com/cXzqgREmNB
«Хасан Азімаў сапраўды ў 14-гадоў атрымаў пашпарт грамадзяніна Расіі. Аднак гэты пашпарт не дзейнічае, бо ў 20 гадоў ён не атрымаў новы. У сувязі з гэтым лічу неабходным заявіць, што ўся адказнасць за тое, што Хасан Азімаў ўстаў на шлях злачыннасці, цалкам кладзецца на ўлады Францыі. У Чачні ён толькі нарадзіўся, а сталенне, фарміраванне яго асобы, яго поглядаў і перакананняў адбывалася ў французскім грамадстве», — сказаў ён.
«У такім выпадку ўлады ўсю адказнасць за будучыню дзяцей бяруць на сябе, таму і павінны несці гэтую адказнасць», — дадаў Кадыраў.
«Перакананы, калі б ён правёў дзяцінства і юнацкія гады ў Чачні, лёс Хасана склаўся б інакш!» — падсумаваў палітык.
Азімаву, паводле тэлеканала France 2, у 2010 годзе было нададзена французскае грамадзянства, а нарадзіўся ён у 1997 годзе у Чачні.
Напад у Парыжы ён здзейсніў увечары 12 мая. У выніку атакі адзін чалавек загінуў, яшчэ некалькі атрымалі раненні. Зламыснік быў забіты. Адказнасць за інцыдэнт ўзяла на сябе тэрарыстычная групоўка «Ісламская дзяржава».
