Украінскі баксёр Васіль Ламачэнка устанавіў рэкорд і стаў чэмпіёнам свету па версіі WBA
Фота з сайта xsport.ua
Украінскі баксёр Васіль Ламачэнка перамог тэхнічным накаўтам венесуэльца Хорхе Лінарэса і заваяваў тытул чэмпіёна свету па версіі Сусветнай баксёрскай асацыяцыі (WBA) у лёгкай вазе.
Фота: 24tv.ua
Бой, які прайшоў у суботу ў Нью-Ёрку, завяршыўся перамогай Ламачэнкі тэхнічным накаўтам у дзесятым раўндзе.
«Надзвычай паспяховая ноч для ўсіх заўзятараў бокса ва Украіне і ва ўсім свеце. Наш Васіль Ламачэнка ў чарговы раз бліскуча перамог на легендарнай арэне Madison Square Garden, упэўнена адолеўшы баксёра з Венесуэлы Хорхе Лінарэса. Віншуем нашага чэмпіёна! Ты мега круты!» — напісаў прэзідэнт Украіны Пятро Парашэнка.
Надзвичайно успішна ніч для всіх вболівальників боксу.
Наш Василь Ломаченко здобув чергову перемогу на легендарній арені Madison Square Garden, впевнено здолавши Хорхе Лінареса.
Щиро вітаємо нашого чемпіона! Ти – мега крутий! pic.twitter.com/io3T4sydSk
30-гадовы Ламачэнка устанавіў рэкорд па найменшай колькасці баёў, якія спатрэбіліся, каб заваяваць тытул чэмпіёна свету сярод прафесіяналаў у трох вагавых катэгорыях — 12. Перамога стала для Ламачэнкі 11-й у дванаццаці баях. У снежні 2017 года ўкраінец абараніў чэмпіёнскі пояс у напаўлёгкай вазе па версіі Сусветнай баксёрскай арганізацыі (WBO), перамогшы кубінца Гільерма Рыгонда. Адзіную паразу спартовец пацярпеў у сакавіку 2014 года ў баі супраць мексіканца Арланда Саліда.