Жыхар Віцебска пазычыў у знаёмых 270 тысяч даляраў і вырашыў іх не вяртаць
УСК па Віцебскай вобласці абвінавачвае 49-гадовага жыхара Віцебска ў тым, што ён з 2010 года на працягу некалькіх гадоў пазычыў у 3 чалавек 270 тысяч даляраў і адмовіўся іх вяртаць.
Акрамя таго, у 2017 годзе мужчына падрабіў ветэрынарныя сертыфікаты і пасведчанні якасці і бяспекі.
Дзеянні абвінавачанага следствам кваліфікаваныя па частцы 4 артыкула 209 (махлярства, здзейсненае паўторна, у адмыслова буйным памеры) і часткі 2 артыкула 380 (падробка пасведчання і іншага афіцыйнага дакумента, які надае правы, у мэтах выкарыстання такога дакумента iншай асобай, і збыт такога дакумента, учыненыя паўторна) Крымінальнага кодэкса. Да абвінавачанага прыменена мера стрымання ў выглядзе заключэння пад варту. Мужчына віну па абвінавачванні ў махлярстве не прызнаў, урон пацярпелым не пакрыў.
