Даслаць навіну
Знайсці
16.05.2018 / 15:10 5

«Разам да справы»: абвяшчаецца конкурс праектных ідэй

Грамадская культурніцкая кампанія «Будзьма беларусамі!» і Школа маладых менеджараў публічнага адміністравання SYMPA ў межах праграмы «Разам да справы» абвяшчаюць конкурс праектных ідэй па ўсёй Беларусі.

Да ўдзелу ў конкурсе запрашаюцца ўсе, хто займаецца паляпшэннем грамадска-культурніцкай і сацыяльнай прасторы ў сваім населеным пункце або рэгіёне і спрыяе паглыбленню супрацоўніцтва розных супольнасцяў.

Калі ў вас ёсць рэалістычная, распрацаваная ідэя, якая:

  • яднае актыўных жыхароў для вырашэння грамадска важных пытанняў мясцовага развіцця;
  • спрыяе міжсектарнаму супрацоўніцтву на карысць развіцця мясцовых і/ці рэгіянальных супольнасцяў і дапамагае наладзіць кантакты розным групам паміж сабой;
  • умацоўвае грамадзянскую ідэнтычнасць, у тым ліку праз пашырэнне ведаў пра нашу гісторыю і культуру, пра родны горад або рэгіён;
  • спрыяе абароне і прасоўванню правоў і інтарэсаў пры сумеснай дзейнасці;
  • павялічвае патэнцыял грамадскіх актывістаў;

дасылайце заяўку на скрыню razam@budzma.org з пазнакай «На конкурс ідэй».

 

Хто можа ўзяць удзел:

— любыя непалітычныя ініцыятывы і арганізацыі грамадзянскай супольнасці;

— дзяржаўныя ўстановы і камерцыйныя арганізацыі;

— фізічныя асобы, крэатыўныя каманды.

 

Заяўка мусіць утрымліваць:

— імёны і прозвішчы аўтараў/ініцыятараў праекта, кантакты;

— назву, мэту і сутнасць праекта (да 700 словаў);

— мэтавыя аўдыторыі (на каго скіраваныя вынікі праекта);

— актуальнасць/унікальнасць ідэі;

— якім чынам будзе наладжанае міжсектарнае супрацоўніцтва;

— калі і дзе ідэя мусіць рэалізавацца;

— якія рэсурсы вы ўжо маеце і якія — шукаеце (каманда, партнёры, бюджэт).

Тэхнічныя патрабаванні:

— Заяўка мусіць быць дасланая ў фармаце Word;

— Бюджэтная частка павінная ўтрымліваць артыкулы выдаткаў і сумаў, якія ёсць і якія неабходныя.

Рэалізацыя праектнай ідэі мусіць быць здзейсненая ў перыяд ад 1 чэрвеня да 31 кастрычніка 2018 г.

Усе дасланыя прапановы будуць разгледжаныя экспертнай радай.

Для ідэяў-пераможцаў кампанія «Будзьма беларусамі!» дапаможа знайсці партнёраў, каб ідэі былі рэалізаваныя.

Важна: экспертная рада будзе ацэньваць не толькі якасць распрацоўкі праектнай ідэі, яе грамадскую значнасць і ўцягнутасць розных групаў у яе рэалізацыю, але і суразмернасць запланаваных мерапрыемстваў з іх затратнай часткай.

Прыём ідэй: да 20 мая 2018 г. уключна праз скрыню razam@budzma.org з пазнакай «На конкурс ідэй».

Вынікі конкурсу будуць абвешчаныя 30 мая 2018 г. на сайце budzma.by.

Маеце пытанні? Пішыце нам на электронную пошту!

4
Интересующийся / адказаць
11.05.2018 / 22:21
А деятели культуры чем занимаются? Моцарта разучивают и Пушкина наизусть заучивают?
7
Pidżama / адказаць
14.05.2018 / 12:12
Идей куча, да не с вами, прикорытниками, делиться ими.

4
Боцман / адказаць
15.05.2018 / 15:59
Грантососы, обыкновенные.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31