У Крыме чарговы ўкраінец атрымаў 8 гадоў калоніі па абвінавачанні ў падрыхтоўцы дыверсій
Гарадскі суд Судака ў Крыме прыгаварыў да васьмі гадоў калоніі агульнага рэжыму грамадзяніна Украіны Генадзя Лімешку, абвінавачанага ў падрыхтоўцы дыверсій на паўвостраве.
Як паведамляе «Медиазона», справа разглядалася ў спецыяльным парадку, бо абвінавачаны прызнаў віну і заключыў здзелку са следствам. Лімешка быў прызнаны вінаватым па трох артыкулах КК РФ у незаконным захоўванні зброі і вырабе выбуховых прыстасаванняў. Па версіі следства, падсудны «рыхтаваў дыверсіі з пачуцця палітычнай варожасці да Расіі ў сувязі з далучэннем Крыма».
Лімешка мае намер аспрэчыць рашэнне суда.
Падчас апошняга слова Лімешка прасіў судзіць яго па справядлівасці, казаў, што ў яго маленькая дачка, і калі яго выпусцяць, ён з'едзе і больш ніколі не вернецца ў Крым.
Агулам колькасць вязняў, якіх Украіна лічыць палітычнымі, у Крыме перавысіла 50 чалавек.
