Міністр Шуневіч з сям'ёй прыбыў на плошчу Перамогі на рарытэтным аўтамабілі і ў форме НКВД ФОТА
Міністр унутраных спраў генерал-лейтэнант міліцыі Ігар Шуневіч разам з жонкай і дачкой прыбыў да Плошчы Перамогі на рарытэтным аўтамабілі «ГАЗ-67Б». У памяць аб тых, хто набліжаў вялікую Перамогу, яны ўсклалі кветкі каля манумента, паведамляе прэс-служба МУС.
Кіраўнік МУС быў у форме супрацоўніка міліцыі ўзору 1944 года.
«Эмоцыі нічым не адрозніваюцца ад таго, што адчувае ўвесь беларускі народ у гэты дзень. І так склалася, што гэтыя эмоцыі звязаныя са смуткам. Маю сям'ю бяда таксама не абмінула — падчас вайны немцы забілі некалькі дзясяткаў сваякоў. Таму вялікая Перамога — свята са слязамі на вачах. Але разам са смуткам — гэта і пачуццё гонару, мы білі ўсіх, хто прыходзіў да нас з мячом. Перакананы, што так будзе і ў далейшым», - распавёў журналістам Ігар Шуневіч.