Знайсці
07.05.2018 / 15:174РусŁacБел

У Беларусі могуць адмовіцца ад папяровых працоўных кніжак і ўвесці электронныя

У Беларусі могуць адмовіцца ад папяровых працоўных кніжак. У такім выпадку ўсе звесткі, якія цяпер утрымліваюцца ў гэтым дакуменце, перавядуць у электронны фармат. Пра гэта FINANCE.TUT.BY падчас жывой тэлефоннай лініі распавёў намеснік міністра працы і сацыяльнай абароны Ігар Старавойтаў. Аб канкрэтных тэрмінах магчымай адмовы ад працоўных кніжак у папяровым фармаце ў Мінпрацы пакуль не паведамляюць.

На пытанне, ці маюць намер у Беларусі адмовіцца ад папяровых працоўных кніжак па прыкладзе Расіі, прадстаўнік Мінпрацы паведаміў:

— Мы пра гэта пытанне думаем, каб перавесці ў электронную форму тыя дадзеныя, якія ў прынцыпе неабходныя работніку і якія запісваюцца ў працоўную кніжку. У нас, напрыклад, даўно ўжо дзейнічае сістэма персаніфікаванага ўліку ў галіне пенсійнага забеспячэння. З 2003 года. Мы будзем рухацца паступова па шляху ўдасканалення гэтай сістэмы, па шляху ўдасканалення тых баз дадзеных, якія ў нас ёсць, у тым ліку і формаў справаздачнасці, звязанай з працоўнымі адносінамі.

Калі ўсе гэтыя базы будуць адпаведным чынам удасканалены, мы прыйдзем да таго, што чалавеку, каб перайсці да іншага наймальніка, па сутнасці, не трэба будзе несці працоўную кніжку, а наймальнік, які прымае на працу, усю неабходную інфармацыю ў сферы працоўных адносін зможа даведацца з наяўных баз, я думаю, што мы таксама падыдзем паступова да таго, што адмовімся ад працоўных кніжак.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера