Актывісткі «Маці 328» трымаюць галадоўку 10-ы дзень
У Пухавіцкім раёне ў вёсцы Востраў працягваюць галадоўку 7 актывістак руху «Маці 328». Стан некаторых з іх імкліва пагаршаецца, паведамляе Радыё Свабода.
Галадоўшчыцы ў вёсцы Востраў, Пухавіцкі раён
Па-ранейшаму кепска пачуваецца Людміла Кулініч, якая не мае жоўцевага пухіра, і таму галадоўка ёй супрацьпаказаная. Іншая ўдзельніца галадоўкі Наталля Старавойт рэгулярна губляе прытомнасць. Алене Кулініч таксама была аказаная медычная дапамога.
10-ы дзень ў Беларусі працягваецца галадоўка актывістак руху «Маці 328», якія дамагаюцца лібералізацыі антынаркатычных законаў і перагляду справаў сваякоў, асуджаных за распаўсюд наркотыкаў на вялікія тэрміны.
Па стане на 6 траўня ў галадоўцы па-ранейшаму бяруць ўдзел 14 чалавек. Лічба засталася нязменнай: 4 траўня адна галадоўніца далучылася да акцыі ў Віцебску, але ў той жа дзень адна жанчына ў Калінкавічах выйшла з галадоўкі у сувязі з дрэнным станам здароўя.
Чытайце таксама: Каму верыць? Маці асуджаных за наркотыкі VS дзяржаўныя журналісты
