Лідчанкі прыкінуліся прастытуткамі, каб скрасці 200 рублёў
Дзве 18-гадовыя жыхаркі Ліды шукалі спосаб падзарабіць, і яны вырашылі паспрабаваць заняцца сэкс-бізнэсам. Дзяўчаты вырашылі прадставіцца прастытуткамі, піша партал 0154.by.
Праз інтэрнэт яны знайшлі кліента, дамовіліся з ім пра месца сустрэчы, пра суму, якую яму прыйдзецца заплаціць за задавальненне — сышліся на 200 рублях.
Вечарам мужчына, як і дамаўляліся, прыйшоў на сустрэчу. Дамы таксама былі на месцы. Калі кліент перадаў ім грошы, то дзяўчаты кінуліся ўцякаць. Яны разлічвалі, што мужчына не пагоніцца за імі — не захоча даводзіць справу да агульнага ведама.
Але яны памыліліся: той апынуўся нежанатым, быў разведзены, асабліва не перажываў за сваю рэпутацыю і сам усё расказаў міліцыі.
Цяпер у адносінах да лідчанак распачата крымінальная справа па артыкуле «Махлярства». Ім можа пагражаць да 4 гадоў турмы.
