Знайсці
03.05.2018 / 12:4920РусŁacБел

«Я хачу памерці»: найстарэйшы вучоны Аўстраліі адправіўся ў Швейцарыю для эўтаназіі

104-гадовы геабатанік і эколаг Дэвід Гудал, найстарэйшы вучоны Аўстраліі, збіраецца завяршыць жыццё з дапамогай швейцарскіх дактароў 10 мая, паведамляе CNN.

У навукоўца няма цяжкіх захворванняў, але з узростам якасць яго жыцця пагоршылася настолькі, што на свой апошні дзень нараджэння ён пажадаў памерці і расказаў, які ён няшчасны.

«Я хачу памерці. Гэта не сумна. Сумна, калі камусьці не даюць гэтага зрабіць», — сказаў ён.

Эўтаназія ў Аўстраліі будзе дазволена з чэрвеня 2019 года, але працэдура будзе даступная толькі невылечна хворым людзям з чаканай працягласцю жыцця менш за паўгода.

«Я не хачу ехаць у Швейцарыю, хоць гэта і добрая краіна, — падзяліўся Гудал. — Але я павінен зрабіць гэта, каб атрымаць магчымасць памерці, забароненую ў Аўстраліі. Мне вельмі крыўдна … мне 104 гады і ў мяне засталося не так шмат часу. Маё здароўе ўсё пагаршаецца, і гэта робіць мяне няшчасным».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера