На Чарнобыльскі шлях праз «Талаку» сабралі 6% сродкаў

На правядзенне акцыі «Чарнобыльскі шлях» праз платформу «Талака» па стане на раніцу 26 красавіка сабрана 300 рублёў, што складае 6% ад заяўленай сумы ў 5 тысяч рублёў.

Акцыя на «Талацэ» была ініцыяваная 19 красавіка. Грошы збіраліся на выраб і усталяванне інфармацыйных стэндаў, прысвечаных Чарнобыльскай тэматыцы і вострым экалагічным праблемам Беларусі, распаўсюд друкаванай прадукцыі, прасоўванне інфармацыі ў сацыяльных сетках.

Нагадаем, што «Чарнобыльскі шлях» дазволены Мінгарвыканкамам. Збор сёння каля кінатэатра «Кастрычнік» а 18-й, затым шэсце па вуліцы Сурганава і Арлоўскай да памятнага знаку «Ахвярам Чарнобыля» у парку Дружбы народаў. Сёння таксама сваю акцыю ў Кіеўскім скверы правядуць актывісты КХП — БНФ.

0

0

0

0

0

0