У краінах ЕС расце колькасць забаронаў на нашэнне рэлігійнага адзення
Усё больш краін Еўрасаюза плануюць заканадаўча ўрэгуляваць нашэнне рэлігійнага адзення. Такія законапраекты абмяркоўваюцца ці ўжо былі рэалізаваны ў 22 з 28 дзяржаў ЕС, гаворыцца ў даследаванні групы фондаў Джорджа Сораса «Адкрытае грамадства», апублікаваным у сераду, піша Deutsche Welle.
Па дадзеных яго аўтараў, у васьмі краінах ЕС (Аўстрыя, Бельгія, Балгарыя, Данія, Францыя, Германія, Італія і Іспанія) ужо прынятыя законы, якія забараняюць ў пэўных месцах насіць, напрыклад, галаўныя ўборы, якія закрываюць твар. Пры гэтым у пяці з гэтых краін забароны дзейнічаюць альбо толькі на мясцовым узроўні, альбо таксама і на дзяржаўным.
Акрамя таго, у 13 краінах ЕС ёсць забароны на рэлігійнае адзенне ў асобных прыватных ці дзяржаўных установах і кампаніях.