Здарэнне на «Нафтане»: адну з установак спынілі з-за пропуску газу

24 красавіка ў 15:00 на наваполацкім «Нафтане» адбылося надзвычайнае здарэнне — спрацавала сігналізацыя па высокай тэмпературы ўнутранай прасторы печы ўстаноўкі атрымання вадароду комплексу «гідракрэкінгу», паведамляе МНС.

Пры аглядзе печы выявілі, што адна з труб змеявіка прапускае прыродны газ. Працу ўстаноўкі спынілі да 8 гадзін раніцы 25 красавіка.

Пацярпелых няма. Як мяркуецца, прычына аварыйнай сітуацыі - прагарэнне змеявіка ў печы.

На месцы здарэння працуе камісія ААТ «Нафтан».

0

0

0

0

0

0