Знойдзеная жывёла, якую 32 гады лічылі вымерлай ФОТА
Dipodomys gravipes (cанквінцінскі кенгуровы скакун) апошні раз трапляў на вочы людзей ў 1986 годзе, а затым лічыўся вымерлым. Нядаўна навукоўцы зноў знайшлі гэтага рэдкага грызуна. Навуковая праца апублікаваная ў часопісе Science Daily.
Апошнія гады гэты від кенгуровага скакуна актыўна, але безвынікова, шукалі розныя энтузіясты. І вось, нядаўна супрацоўнікі Музея натуральнай гісторыі Сан-Дыега Скот Трэмар і Сула Вандэрпланк выявілі чатыры асобіны на тэрыторыі запаведніка Valle Tranquilo у Мексіцы, выкарыстоўваючы спецыяльныя пасткі.
Фота: Sula Vanderplank, San Diego Natural History Museum
Гэты грызун адрозніваецца ад іншых прадстаўнікоў роду больш буйнымі памерамі: даўжыня ягонага цела (без хваста) дасягае 12 сантыметраў.
«Кенгуровы» ў назве жывёлы паходзіць ад таго, што ногі ў яго, як у кенгуру або тушканчыкаў.
