Зборная Беларусі выйшла ў чвэрцьфінал ЮЧС па хакеі
Хакеісты юнацкай (U18) зборнай Беларусі 23 красавіка ў Магнітагорску атрымалі валявую перамогу над Швейцарыяй на чэмпіянаце свету і гарантавалі сабе пропуск у чвэрцьфінал, другі год запар захаваўшы прапіску ў элітным дывізіёне.
Саступаючы амаль да сярэдзіны матча з розніцай у дзве шайбы, беларусы затым здолелі тры разы запар трапіць у вароты швейцарцаў і вырваліся наперад. Аднак правал у сярэдзіне трэцяга перыяду ледзь не перакрэсліў усе намаганні - супернік закінуў двойчы на працягу 46 секунд і вярнуў сабе перавагу.
Але фантастычная канцоўка ў выкананні беларусаў павергла швейцарцаў у шок. Леўшуноў і Алістраў зноў прабілі альпійскага галкіпера і вырвалі перамогу — 5:4
Папярэдні этап чэмпіянату свету зборная Беларусі завершыць матчам супраць аднагодкаў з ЗША (24 красавіка).
