Біёлагі імплантавалі мышам часткі чалавечага мозгу
Навукоўцы з Інстытута Солка ў Каліфорніі імплантавалі арганоіды чалавечага мозгу (кампаненты клетак мозгу) у галаву мышы, паведамляе «Папулярная механіка».
Пасля аперацыі мышы выглядалі і паводзілі сябе, як самыя звычайныя жывёлы, на працягу некалькіх месяцаў пастаўляючы кроў і пажыўныя рэчывы для клетак чалавечага мозгу.
Навукоўцы гадавалі арганоіды ў лабараторыі 50 дзён, а потым замянілі частку мышынага мозгу новым ўтварэннем, і прыкладна 80% імплантата прыжылося. Арганоіды паспяхова атрымлівалі неабходныя рэчывы і кісларод праз крывяносную сістэму жывёлаў і пачалі вырошчваць новыя нейроны (у тым ліку такія, якія можна знайсці толькі ў вельмі спецыялізаваных участках кары чалавечага мозгу).
Калі мышам правялі тэст на памяць, выявілася, што асобіны з імплантамі рабілі заўважна менш памылак.
