Дураў даў свой мэйл з просьбай дасылаць інсайды адносна метадаў уладаў Расіі
На сваёй старонцы «Уканкакце» Павел Дураў заклікае ўсіх, хто мае дадатковую інфармацыю па блакаванні «Тэлеграма», пісаць яму на пошту.
Гэты тыдзень мы змагаліся не з Раскамнадглядам або ФСБ. Мы змагаліся за лічбавую будучыню Расіі. Свабодны інтэрнэт і завершанае шыфраванне — неад'емныя часткі гэтай будучыні.
Ніводная развітая краіна не блакуе месенджары за адмову выдаць спецслужбам ключы шыфравання. Адмена права на прыватнасць — лекі, якія больш небяспечныя за саму хваробу.
Як толькі нейкая служба атрымлівае магчымасць бескантрольна маніторыць асабістую перапіску грамадзян, вельмі хутка гэты доступ аказваецца ў руках у трэціх бакоў — хабарадавальнікаў, хакераў, агентаў іншых дзяржаў. У выніку патрабаванне даць універсальныя шляхі абыходу шыфравання праз выдачу «ключоў» зніжае інфармацыйную бяспеку як элітаў, так і грамадства ў цэлым.
P. S. Калі ў Вас ёсць інсайды аб прычынах, планах і метадах блакавання, паведамляйце нам па адрасе [email protected].
