У зоне баявых дзеянняў Украіна пачала блакаваць расійскае тэлебачанне
У зоне правядзення антытэрарыстычнай аперацыі, уздоўж лініі размежавання, усталявалі адмысловыя радыёперадатчыкі, якія блакуюць расійскае прапагандысцкае вяшчанне на Данбасе, піша «Українська правда».
Пра гэта падчас нарады па пытаннях процідзеяння інфармацыйнай агрэсіі Расіі ў чацвер заявіў прэзідэнт Украіны Пятро Парашэнка.
Паводле яго слоў, важным элементам гібрыднай вайны Расіі супраць Украіны з'яўляюцца не толькі ваенныя дзеянні і эканамічны ціск, але і распаўсюд прапаганды і фэйкавых навін
Парашэнка адзначыў, што для таго, каб прадухіліць распаўсюд антыўкраінскага вяшчання на тэрыторыі Данецкай і Луганскай абласцей, а таксама ў Харкаўскай і Запарожскай, былі распрацаваны і ўсталяваны ўздоўж усёй лініі размежавання спецыяльныя радыёперадатчыкі, якія блакуюць расійскія СМІ.
