«Лепшага выніку быць не магло. Місія выканана!» — Трамп пракаментаваў удары па Сірыі
AP
Дональд Трамп у сваім твітары падвёў вынік ударам заходняй кааліцыі па Сірыі. Вынік ваеннай аперацыі ён пракаментаваў словамі «місія выканана».
«Мінулай ноччу было добра праведзеныя ўдары. Дзякуй Францыі і Вялікабрытаніі за іх мудрасць і моц іх войскаў. Лепшага выніку быць не магло. Місія выканана!» — напісаў амерыканскі прэзідэнт.
A perfectly executed strike last night. Thank you to France and the United Kingdom for their wisdom and the power of their fine Military. Could not have had a better result. Mission Accomplished!
Трамп падкрэсліў, што ганарыцца «нашымі смелымі вайскоўцамі». «Хутка, пасля таго як мы выдаткуем на іх мільярды ўхваленых [Кангрэсам] даляраў, яны стануць найлепшай арміяй, якую наша краіна калі-небудзь мела», — дадаў ён.