Мінімальная зарплата ва Украіне можа абагнаць беларускую мінімалку ўжо ў маі

Кабінет міністраў па выніках першага квартала 2018 года разгледзіць магчымасць павышэння мінімалкі ва Украіне да 4100 грыўняў (каля 323 рублёў у эквіваленце).

Пра гэта сказана ў законе аб дзяржаўным бюджэце на 2018 год, апублікаваным у газеце «Голос України».

Раней адпаведную ініцыятыву абвясціў прэзідэнт Украіны.

«Я абсалютна падтрымліваю гэтую ідэю і перакананы, што мы абавязаныя яе рэалізаваць», — сказаў віцэ-прэм'ер Украіны Паўло Разенка.

Такім чынам, калі з другога квартала ўкраінская мінімалка павысіцца да 4100 грыўняў, а мінімальны заробак у Беларусі не зменіцца (цяпер ён складае 305 рублёў), то ўкраінская мінімалка будзе вышэйшая за беларускую.

ММ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0