Дураў папрасіў карыстальнікаў не выдаляць Telegram і паабяцаў зрабіць убудаваны ананімайзер
Telegram будзе выкарыстоўваць убудаваныя метады абыходу блакаванняў, якія не патрабуюць дадатковых дзеянняў ад карыстальнікаў. Пра гэта паведаміў ва «УКантакце» заснавальнік мэсэнджара Павел Дураў.
Такое фота Павел Дураў размясціў у сваім «Інстаграме» з подпісам: «Каб быць па-сапраўднаму свабодным, ты мусіш быць гатовы рызыкнуць усім дзеля свабоды».
Незалежна ад наяўнасці блакіроўкі, Telegram захавае магчымасць цэнтралізавана рассылаць апавяшчэнні ўсім расійскім карыстальнікам, інфармуючы аб развіцці сітуацыі.
Дураў папярэдзіў, што ў першыя гадзіны пасля блакавання будзе вялікая нагрузка на VPN і проксі-сэрвісы, што, хутчэй за ўсё, прывядзе да запаволення іх працы. Ён таксама папрасіў не выдаляць і не пераўсталёўваць Telegram, нават калі ўзнікнуць праблемы з сувяззю, а таксама своечасова спампоўваць абнаўленні ў App Store і Google Play.