У Расіі заблакавалі Telegram. Рэдактарка «Медузы»: «Спампуйце VPN. Тэлеграм — толькі пачатак»

Таганскі суд Масквы задаволіў пазоў Раскамнагляда і пастанавіў заблакаваць месенджар Telegram на тэрыторыі Расіі. Суддзя дазволіла пачаць блакаванне неадкладна — да ўступлення рашэння па пазове ў законную сілу.

Прадстаўнікоў Telegram на паседжанні 13 красавіка не было,бо стваральнік месенджара Павел Дураў забараніў юрыстам ўдзельнічаць у «адкрытым фарсе». Тым не менш адвакаты адправілі ў суд хадайніцтва з просьбай перанесці паседжанне, яно было адхілена.

Разгляд пазову заняў 20 хвілін.

«Спампуйце ўжо VPN. Тэлеграм — гэта толькі пачатак», — так адрэагавала ў фэйсбуку на блакаванне папулярнага мэсэнджара заснавальніца папулярнага расійскага сайта «Медуза» Галіна Цімчанка.

Расійскія спецслужбы патрабавалі ад Тэлеграма поўнага доступу да чатаў.

СГ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0