Створаная налепка на зуб, якая вызначае колькасць ужытых чалавекам розных рэчываў
Звычайна мы бачым, што ямо або п'ем. Але цяжка вызначыць, якая колькасць таго ці іншага рэчыва трапіла ў арганізм разам з ежай. Навукоўцы Універсітэта Тафтс у Масачусетсы распрацавалі датчык, які можа адсочваць спажыванне глюкозы, солі і алкаголю, паведамляе часопіс New Atlas.
Фота: SilkLab, Tufts University
Датчык памерам 2х2 міліметры лепіцца на любы зуб. Ён складаецца з трох пластоў: двух квадратных замкнёных контураў з золату звонку і і аднаго пласту біяпаглынальнага матэрыялу ўсярэдзіне.
Датчык збірае радыёхвалі, што выпраменьваюцца мабільнай прыладай, і перадае іх назад, але ў змененай форме, у залежнасці ад таго, якія рэчывы і ў якіх аб'ёмах былі паглынутыя біяактыўным пластом.
Аналізуючы спектр і інтэнсіўнасць радыёхваляў, якiя вяртаюцца на мабільную прыладу, адпаведны дадатак можа вызначыць, якія хімічныя рэчывы былі ўжытыя карыстальнікам і ў якіх колькасцях. У будучыні, як спадзяюца навукоўцы, такія датчыкі змогуць выяўляць больш шырокі дыяпазон рэчываў.