Даслаць навіну
Знайсці
11.04.2018 / 17:09 4

Біятланістка Габрыэла Коўкалава: Трэнер казаў мне, што я тоўстая, як свіння. Тады ў мяне пачалася анарэксія

Чэская біятланістка Габрыэла Коўкалава распавяла, што дзесяць гадоў пакутавала ад анарэксіі. Паводле яе слоў, хвароба пачалася пасля таго, як трэнер юніёрскай зборнай Чэхіі стаў вінаваціць яе ў лішняй вазе.

Павялічыць выяву

«Можа, ён не меў на ўвазе нічога дрэннага. Магчыма, у яго проста было мала ведаў пра фізіялогію дзяўчат. Хутчэй за ўсё, ён наогул не ведаў, як трэба стасавацца з дзяўчатамі-падлеткамі, бо казаў мне, што я тоўстая, як свіння. Неяк раз, калі я важыла крыху менш, чым цяпер, ён падвёў мяне да люстэрка і сказаў: «Паглядзі, як ты жудасна выглядаеш». Пасля гэтага я пачала выкідваць сваю ежу ва ўнітаз.

Потым спрабавала скінуць вагу ўсімі магчымымі спосабамі. Я прайшла праз усе дыеты, якія толькі існуюць. Падчас выступаў я таксама сачыла за вагой. Калі бегла нармальна — дазваляла сабе сняданак і ланч, але ўсё роўна абыходзілася без абеду», — распавяла Коўкалава.

Бывалі дні, калі спартсменку ванітавала па восем разоў на дзень. А часам яна наогул нічога не ела цэлымі днямі, толькі піла ваду.

«Гэта было жудасна, мне так сорамна гэта ўзгадваць… І вельмі складана пра гэта казаць. У выніку я змагла ўзяць медалі ў Сочы-2014, але так аслабла, што вярнулася да нармальнага харчавання. І адразу ж зноў набрала вагу. Потым паспрабавала скінуць яе, і ў мяне зноў пачаліся праблемы», — сказала Коўкалава.

Эксперт па харчаванні Рыхард Пфлегер, да якога ў 2015 годзе звярнулася Коўкалава, лічыць, што спартсменка хутчэй пакутавала ад буліміі, чым ад анарэксіі.

«Гэта была хутчэй булімія. Гэта не класічная анарэксія. У яе было так: яна з'ядала нешта, з-за чаго адчувала віну і ўпадала ў адчай. Потым яна даводзіла свой арганізм практычна да анарэксіі. Хутчэй за ўсё, усе яе праблемы насілі псіхасаматычны характар», — адзначыў Пфлегер.

4
Несцераў / адказаць
13.04.2018 / 18:29
Божачкі, ёй бегаць на лыжах і страляць трэба, а яна вочы малюе.
1
Кот Мартын / адказаць
19.04.2018 / 22:52
Трэнер казаў мне, што я тоўстая, як свіння. Тады ў мяне пачалася анарэксія А тренер показал вам хоть раз лично, как надо бегать и как стрелять ?
0
адекват / адказаць
21.04.2018 / 18:11
Я бы занялся с ней фитнесом и помог бы бедной девочке скинуть вес..
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30