Даслаць навіну
Знайсці
11.04.2018 / 23:16 24

Чаму на беларускіх дарогах разметка трымаецца паўгода, а на еўрапейскіх — гадамі?

Павялічыць выяву

Фота Сяргея Гудзіліна.

У Беларусі ёсць дарогі, на якіх тоўсты пласт разметкі захоўваецца гадамі. У Еўропе такія дарогі амаль паўсюль. Чаму ж нашыя камунальныя службы не пераймаюць такі досвед? Навошта выкарыстоўваць звычайную фарбу, каб потым аднаўляць яе штогод?

У Беларусі цяпер выкарыстоўваюцца два віды матэрыялаў для нанясення дарожнай разметкі: эмаль (фарба) і тэрмапластык.

Да абодвух матэрыялаў дадаюць спецыяльныя шкляныя шарыкі, якія забяспечваюць адлюстраванне святла і, адпаведна, лепшую бачнасць. Шклашарыкі дадаюць у склад тэрмапластыку, што забяспечвае не толькі адлюстраванне святла, але і дадатковую трываласць матэрыялу.

Павялічыць выяву

Разметка з тэрмапластыку добра выдзяляецца над паверхняй дарогі.

Калі ж для разметкі выкарыстоўваецца эмаль, шклашарыкі наносяцца другім пластом на яе паверхню, адкуль хутка пачынаюць знікаць пад уздзеяннем колаў аўтамабіляў, і разметка цямнее, а потым і сама фарба сціраецца.

Ужо праз паўгода эмаль пачынае псавацца. Тэрмапластык жа служыць тры гады, пасля чаго на яго рэгулярна наносяць эмаль, бо колер становіцца «брудным».

Навошта тады ўвогуле выкарыстоўваць звычайную эмаль?

У брэсцкім прадстаўніцтве групы кампаній «СТіМ», дзе вырабляюць розныя віды фарбаў для дарог, «Нашай Ніве» распавялі, што розніца ў цане на два матэрыялы вялікая. Па-першае, тэрмапластык патрабуе большай колькасці шклашарыкаў. А па-другое, гэты матэрыял, у адрозненне ад эмалі, наносіцца тоўстым пластам, што моцна ўплывае на яго агульны расход. Паводле калькулятара, размешчанага на сайце «СТіМ», для нанясення разметкі на дарогу даўжынёй 10 км з чатырма палосамі трэба выдаткаваць або 3 тоны фарбы, або 27 тон тэрмапластыку. 

Але, як расказаў «Нашай Ніве» в.а. галоўнага інжынера КУП «СМЭП Мінгарвыканкама» (менавіта гэтая арганізацыя займаецца нанясеннем разметкі на мінскія дарогі), кошт — не той крытэрый, па якім выбіраецца матэрыял для «фарбавання» дарогі.

«Тэрмапластык мы выкарыстоўваем для новых або капітальна адрамантаваных дарог, бо старыя не забяспечваюць неабходнага счаплення з матэрыялам. Усюды, дзе ёсць магчымасць нанесці тэрмапластык, мы наносім менавіта яго», — сказаў Сяргей Пятлін. 

Сусветныя трэнды ў дарожнай разметцы

Матэрыял жа будучыні для разметкі дарог — палімерныя стужкі. Менавіта іхняя ўласцівасць праз адлюстраванне святла фараў свяціцца ноччу, пры любым надвор’і, уражвае нашых кіроўцаў на еўрапейскіх магістралях.

Павялічыць выяву

Разметка з палімерных стужак добра бачная поначы.

Дзякуючы арміраванню, палімерныя стужкі таксама вельмі трывалыя (тэрмін службы — ад 2 да 5 гадоў у залежнасці ад інтэнсіўнасці руху), але і кошт іх значна вышэйшы. У Беларусі дарог з такой разметкай пакуль не існуе. 

Ілья Параскевіч

0
Вл / адказаць
12.04.2018 / 23:04
Была на не год назад статья, как некто украл уникальную технологию чудо краски... У беларусов. Я тогда откоментил, что вся уникальность этой чудо краски в том, что ночью и в дождь её не видно, и лежит она ровно сезон... Просто кому то очень выгодно её продавать каждый год. Ищите кому выгодно, найдёте ответ...
0
Андрусь-зь-Менску / адказаць
13.04.2018 / 02:58
У меня отец знакомого работает одним из начальником какого-то там "автодора". Так вот, они на каждый парад просто молятся, потому что парад - это полгода безбедной жизни для чиновника. На восстановлении дорог можно поднять столько, что потом легко забивать на проблемы лихтарату.
0
Мiця Выкручанскi / адказаць
14.04.2018 / 13:11
...у Нас нет безработных !
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31