Даслаць навіну
Знайсці
10.04.2018 / 15:05 45

Тэлевядучы Глеб Лаўроў прапанаваў назваць некаторыя СМІ «замежнымі агентамі». Але Лукашэнка супраць

Аб'яўляць замежныя СМІ, што вяшчаюць у Беларусі, інфармацыйнымі замежнымі агентамі немэтазгодна. Але імунітэт у грамадзян да несумленнай інфармацыі звонку варта выхоўваць. Пра гэта Аляксандр Лукашэнка заявіў падчас сустрэчы з кіраўнікамі і супрацоўнікамі найбуйнейшых дзяржаўных СМІ, перадае газета «СБ — Беларусь сегодня».

Пытанне на сустрэчы падняў палітычны аглядальнік Белтэлерадыёкампаніі Глеб Лаўроў, які прапанаваў увесці ў беларускае заканадаўства паняцце замежнай інфармацыйнай прысутнасці і замежных агентаў:

«Давайце такія СМІ, перш за ўсё — інтэрнэт-парталы, хоць бы прамаркіруем. Бо ўсе лічбы адкрыты: вядома, колькі вылучаюць палякі, колькі англічане, а колькі шведы на фінансаванне тых ці іншых праектаў за межамі сваіх краін», — сказаў Лаўроў.

Павялічыць выяву

Глеб Лаўроў

Кіраўнік краіны адказаў, што спяшацца не варта. Але неабходнасць інфармацыйнага імунітэту ад разнастайнай «чарнухі» звонку не падлягае сумневу.

«Калі мы гаворым пра замежных, мы павінны перш за ўсё стварыць адзіныя крытэрыі для вызначэння такіх. Выяўляючыся фігуральна, прадумаць адзіныя біркі. Але адразу паўстае пытанне, як жа мы будзем рэалізоўваць на практыцы гэтае рашэнне? Ці не ўскладніць гэта нашы адносіны з Расіяй, чые СМІ часам пра нашу краіну паказваюць незразумела як? Але ж біркі прыйдзецца вешаць не выбарачна, а на ўсіх, хто падпадзе пад адпаведныя крытэрыі.

Не трэба забываць і таго, што да заходніх інаагентаў у нашага народа імунітэт прышчэплены. А да ўсходніх?» — спытаў Лукашэнка.

У адказ на заўвагу журналіста аб тым, што гаворка ідзе перш за ўсё аб сеткавых рэсурсах, Аляксандр Лукашэнка заклікаў глядзець на праблему шырэй:

«Кожнае пакаленне павінна вынесці сваю ношу. Нам пашанцавала, што мы — адна з нешматлікіх постсавецкіх краінаў не прайшла праз вайны і разбурэнні. Але і наша пакаленне таксама на сябе павінна нешта ўзяць, каб не было сорамна перад людзьмі. І нам трэба выстаяць!

Калі прыйдзе час, наступіць такая неабходнасць — я з гэтымі замежнымі агентамі разбяруся на працягу сутак. Пакуль жа галоўнае — прышчапіць імунітэт ад несумленнай інфармацыі», - заявіў Лукашэнка.

0
витовтт / адказаць
11.04.2018 / 09:00
тэлетвар
7
Сазон / адказаць
11.04.2018 / 09:38
из Гродно, согласен 
0
Агент Двуйки / адказаць
11.04.2018 / 11:22
Лучше помечать российские каналы и серверы, как "фейковые и лживые СМИ".
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30