Даслаць навіну
Знайсці
10.04.2018 / 14:44 9

Сенатар з ЗША, якая страціла на вайне абедзве нагі, нарадзіла ў 50 гадоў

Павялічыць выяву

Дэкуорт страціла абедзве нагі, калі яе верталёт быў збіты ў Іраку, Getty Images

50-гадовая Тэмі Дэкуорт, якая страціла абедзве нагі на вайне ў Іраку, стала першым амерыканскім сенатарам, якая нарадзіла дзіця.

У 2012 годзе Дэкуорт стала першай жанчынай-інвалідам, абранай у Сенат. Цяпер яна яшчэ і адна з дзесяці жанчын у гісторыі ЗША, якія нарадзілі дзяцей, займаючы выбарную пасаду.

Дзяўчынку назвалі Мэйл Пэрлі Боўлсбі, у гонар бабулі Дэкуорт, якая працавала медсястрой падчас Другой сусветнай вайны.

Мэйл — другая дачка Дэкуорт. Дзіця нарадзілася ў шпіталі ў прыгарадзе Вашынгтона.

«Бацькоўства тычыцца не толькі жанчын. Гэта пытанне эканомікі, якое тычыцца ўсіх бацькоў — жанчын і мужчын — аднолькава», — заявіла сенатар з нагоды нараджэння дачкі.

«Як бы ні было складана несці цяжар мацярынства, я — не адзіная ў свеце маці, што працуе, а мае дзеці натхняюць мяне на тое, каб працаваць больш і абараняць інтарэсы працуючых сем'яў», — дадала Дэкуорт.

У сакавіку сенатары з абедзвюх партый адзначылі будучае нараджэнне дзіцяці Дэкуорт у будынку Капітолія.

Сама Дэкуорт у інтэрв'ю газеце Chicago Sun-Times прызналася, што зацяжарыць другі раз ёй удалося з цяжкасцю пасля некалькіх цыклаў штучнага апладнення і выкідышу.

Павялічыць выяву

Тэмі Дэкуорт са сваёй старэйшай дачкой Абігейл на адкрыцці пасяджэння Кангрэса, Reuters

Першае дзіця Дэкуорт — Абігейл — нарадзілася ў 2014 годзе.

Дэкуорт, акрамя ўсяго іншага, першая амерыканка з азіяцкімі каранямі, якая стала членам Кангрэсу.

У 2018 годзе яна стала аўтарам некалькіх законапраектаў, накіраваных на тое, каб палегчыць жыццё маладым маці. У прыватнасці, яна прапанавала стварыць ва ўсіх аэрапортах пакоі маці і дзіцяці.

Бі-бі-сі

2
Русафоб непамяркоуны, Змагар, Свядомы, Пан, Беларус-тур / адказаць
10.04.2018 / 20:17
У Звышдзяржаве iнвалiд можа стаць прэзiдэнтам (Рузвельт) , i сенатарам , як гэта жанчына, а на рсфср iнвалiд - гэта кончаны чалавек, нават для простага жыцця , яго жыцце будзе абмяжоувацца у лепшым выпадку хатай i прагулкай каля пад'езду (калi знойдуцца тыя , хто будзе дапамагаць спусцiцца-падняцца )
5
Прохожий / адказаць
10.04.2018 / 20:22
Почему не пускаете комментарий?)) Т.е. убийцы в Ираке миллионов детей и женщин у вас героини, заслуживающие уважения. А в Сирии нет?
1
Вадзім / адказаць
11.04.2018 / 06:45
Tammy Duckworth. Калі хто захоча пагугліць і мае такія ж як у мяне праблемы з рэверс'інжынірынгам з кірыліцы. Ледзь знайшоў яе сапраўднае імя.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30