Даслаць навіну
Знайсці
10.04.2018 / 12:05 17

«Трэба спыніць валтузню на касцях»: Лукашэнка зноў выказаўся пра Курапаты

Павялічыць выяву

Урочышча ў Курапатах павінна быць прыведзена ў парадак як мага больш аператыўна. Пра гэта Аляксандр Лукашэнка заявіў сёння на сустрэчы з кіраўнікамі і калектывамі найбуйнейшых дзяржаўных СМІ.

Пытанне пра Курапаты на адрас кіраўніка дзяржавы паступіла ад чытачоў. Лукашэнка адзначыў, што год ці паўтара таму даручыў сваёй Адміністрацыі разабрацца з гэтым пытаннем.

«Пара сканчаць гэтую валтузню на касцях. Вы зацягнулі прадстаўленне прэзідэнту макета гэтага ўрочышча. Пакладзіце мне на стол дакументы, каб я мог зацвердзіць і мы стварылі там месца для душы. Трэба больш аператыўна скончыць гэта, прывесці ў парадак гэты лес, урочышча, паставіць самы просты помнік, ці капліцу, ці яшчэ нешта — мы прымем рашэнне. Каб чалавек, які спачувае сем'ям і пакутуе, што загінулі людзі, прыйшоў туды, прынёс кветкі», — сказаў Аляксандр Лукашэнка.

«І мы гэта абавязкова зробім», — падкрэсліў кіраўнік дзяржавы.

Пры гэтым ён заўважыў, што пытанне пра Курапаты было палітызавана з самага пачатку свайго з'яўлення, такім засталося і цяпер.

«Мяне гэта не задавальняла і цяпер не задавальняе, — заявіў Аляксандр Лукашэнка. — Там загінулі людзі». Ён канстатаваў, што ёсць некалькі версій аб трагічных падзеях, якія здарыліся ў гэтым месцы.

Па адной з іх, у Курапатах савецкія ўлады расстрэльвалі рэпрэсаваных беларусаў, па другой — там ладзілі расправы над грамадзянамі немцы ў час Вялікай Айчыннай вайны.

І сёння, паводле слоў кіраўніка краіны, ужо не так важна, хто быў вінаватым той трагедыі, бо вынік адзін — загінулі людзі. «Людзі, якія там, хочуць спакою. Ім не патрэбны гэтая скокі на касцях», — перакананы ён.

БелТА

0
Вельмі Свядомны. / адказаць
10.04.2018 / 17:43
"...што ёсць некалькі версій аб якія здарыліся ў гэтым месцы трагічных падзеях..."
Выпраўце.
0
Рыгоравіч / адказаць
10.04.2018 / 20:13
А дзе хавалі  мясцовых "ежоўцаў"?
 Дзе пахавалі ўсіх  даваенных (НЕбеларускіх ) кіраўнікоў БССР, з іх шматлікімі небеларускімі памочнікамі? Іх жа амаль усіх растралялі. 
Няўжо не ў Курапатах?
А калі там, дык які там помнік ставіць, крамя маючагася драўлянага крыжа? Зорку? Копію Працоўнага і сялянкі Алены Мухінай?.
0
Пытаннечкі / адказаць
10.04.2018 / 20:35
Паход Лукашэнка ў Мінскае метро разам з Колем праз некалькі гадзін пасля тэракту канкрэтна на месца тэракту, калі яшчэ не былі прыбраныя ўсе загінулыя, а таксама тое, што ад іх застлося, - гэта не валтузня на касцях народа??? Ці не прыпісаве па Фрэйду Лукашэнка народу якасці, якія характарэзуюць насамрэч яго асобу???
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31