«Гэта галімы бес!» — эпічнае ВІДЭА, як даішнікі затрымлівалі п’яных пацаноў на раёне, а тыя адбіваліся
7 красавіка мінскія даішнікі затрымалі двух п’яных хлопцаў у мікрараёне Чыжоўка.
Па версіі мінакоў, п’яныя хлопцы ўтраіх спалі ў машыне, хоць адзін з іх і сядзеў за стырном, але рухавік заведзены не быў.
Па версіі ДАІ, міліцыю выклікалі відавочцы, якія паведамілі, што п’яная кампанія катаецца па двары, піша «Анлайнер».
У выніку з машыны вышлі трое хлопцаў. Двое актыўна супраціўляліся даішнікам, адзін адцягваў інспектара ад свайго сябра, а другі ўвогуле ўдарыў міліцыянта.
Прычым відэа здарэння апублікавалі як міліцыянты, так і мясцовыя жыхары, чые сімпатыі аказаліся на баку падвыпіўшых хлопцаў.
Хлопцаў — 27-гадовага і 30-гадовага — затрымалі. Медагляд выявіў 1,6 праміле ў аднаго і 2,5 у другога.
Цяпер Следчы камітэт праводзіць праверку, на хлопцаў можа быць заведзена справа за гвалт у дачыненні да міліцыянта.
