Цэнтр дзяржаўнай мовы ў Латвіі праверыць веды латышскай мовы сярод школьных настаўнікаў
Цэнтр дзяржаўнай мовы Латвіі праверыць веды настаўнікаў школ нацменшасцяў. Папярэджанні аб будучых праверках ўжо высланы ў многія школы Рыгі, высвятліў LTV7.
У Цэнтры дзяржаўнай мовы запэўнілі, што крытэрыі ацэнкі будуць такімі ж, як і раней. Інспектары будуць ацэньваць прагрэс настаўнікаў, параўноўваючы цяперашні вынік з іх поспехамі ў ходзе папярэдніх праверак. Правяраючыя гатовыя пайсці насустрач тым настаўнікам, якія пакажуць прагрэс і добрасумленнае стаўленне да прафесійных патрабаванняў. Настаўнік павінен ведаць латышскую мову на другім вышэйшым узроўні — C1.
«Мы прагназуем, што сітуацыя палепшылася. Аднак, каб прыйсці да такой высновы, нам трэба правесці праверку. Хачу падкрэсліць, што гэта не з'яўляецца нечым надзвычайным», — паведаміла намеснік дырэктара Цэнтра дзяржаўнай мовы Інгрыда Берзіня.
