Знайсці
03.04.2018 / 20:25РусŁacБел

Суд пакараў забойцу школьніцы ў Маладзечанскім раёне да 15 гадоў пазбаўлення волі

Суд Маладзечанскага раёна сёння вынес прысуд абвінавачанаму ў забойстве 14-гадовай школьніцы з Вязынкі і прысудзіў яго да 15 гадоў пазбаўлення волі, піша БелТА.

Таксама з абвінавачанага спагнана маральная шкода на суму 100 тысяч рублёў.

Абвінавачаны прызнаў сваю віну цалкам, але ад паказанняў адмовіўся — падчас судовых пасяджэнняў, якія праходзілі на працягу трох месяцаў, ён маўчаў.

З вечара 29 ліпеня 2017 года школьніца лічылася зніклай без вестак. Яе цела з прыкметамі гвалтоўнай смерці было знойдзена 1 жніўня ў лесе недалёка ад дома.

У самыя кароткія тэрміны быў затрыманы падазраваны ў здзяйсненні злачынства. Следства выявіла, што 24-гадовы мінчанін быў у адной кампаніі з 14-гадовай школьніцай і пагадзіўся правесці яе дадому. Па дарозе, у лесе ля садовага таварыства, паміж маладымі людзьмі паўстаў канфлікт, хлопец задушыў дзяўчынку. Па дадзеных следства, абодва знаходзіліся ў стане алкагольнага ап'янення.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера