Знайсці
30.03.2018 / 23:1312РусŁacБел

Суд абавязаў Starbucks паведамляць, што кава правакуе рак

Згодна з рашэннем суда Каліфорніі, кава Starbucks і шэрагу іншых кампаній у гэтым штаце цяпер будзе маркіравацца як патэнцыйны канцэраген, паведамляе CBS. Суд абавязаў прадаўцоў кавы папярэджваць спажыўцоў аб рызыцы ўзнікнення анкалагічных захворванняў.

Рашэнне было прынята пасля пазову актывістаў, якія ўказваюць на тое, што заканадаўства штата патрабуе ад вытворцаў і прадаўцоў паведамляць пра ўтрыманне ў іх прадукцыі рэчываў і хімікатаў, якія могуць выклікаць рак. У гэтым спісе ёсць акрыламід — рэчыва, якое ўтвараецца пры смажанні кававых зерняў, а значыць, кампаніі, якія яго прадаюць, абавязаны маркіраваць сваю прадукцыю адпаведным чынам, настойваюць актывісты.

У сваю чаргу, прадстаўнікі Starbucks настойвалі на тым, што акрыламід сапраўды ўтрымліваецца ў іх прадукцыі, але ў бясшкодных колькасцях. Аднак, адзначаецца ў пастанове суда, ім не ўдалося пераканаўча даказаць, што рэчыва, якое змяшчаецца ў напоях кампаніі, сапраўды не пагражае здароўю пакупнікоў.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера